Technology

Tërheqja e Shteteve të Bashkuara nga marrëveshja e Parisit për klimën ngjall reagimin e botës së teknologjisë

Qer 2 2017
0 Shpërndarje
Tërheqja e Shteteve të Bashkuara nga marrëveshja e Parisit për klimën ngjall reagimin e botës së teknologjisë

Presidenti Amerikan Donald Trump tërhoqi Shtetet Bashkuara nga Pakti i Klimës i cili u nënshkruar në Paris në Dhjetor të 2015-ës.

Marrëveshja e Parisit synon të ngadalësonte ndryshime klimaterike duke limituar emëtimet e karbonit në atmosferë.

Ishte industria e teknologjisë e cila më së shumti e mbështeti këtë marrëveshje. Shumica  e kompanive po investojnë resurse të mëdha për të kaluar qëndrat e të dhënave në energji të rinovueshme.

Por vendimi i Trump duket se i ka dhënë një goditje të rëndë aspiratave të kësaj industrie. Disa prej zërave më të mëdhenj reaguan në mbështetje të marrëveshje dhe e cilësuan veprimin e Trump një gabim të madh.

CEO i Google Sundar Pichai

“I zhgënjyer nga vendimi i ditës së sotme. Google do të vijojë të punojë për një të ardhme të pastër dhe më të begatë,” shprehej Pichai në Twitter.

CEO i Apple Tim Cook

Tim Cook u dërgoi një letër të gjithë punonjësve ditën e Enjte ku ndër të tjera shkruhej: “E di se shumë prej jush ndani të njëjtin zhgënjim për vendimin e Shtëpisë së Bardhë për të tërhequr Shtetet e Bashkuara nga Marrëveshja e Parisit mbi klimën. Bisedova me Presidentin Trump ku i kërkova që SHBA-ja ti qëndronte marrëveshjes. Por nuk mjaftoi.”

CEO i Facebook Mark Zuckerberg

“Tërheqja nga marrëveshja e Parisit për klimën është një dëm i madh që i bëhet mjedisit, ekonomisë dhe vendos të ardhmen e fëmijë tanë në rrezik.

Ne do të sigurohemi se çdo qendër e re të dhënash do të ndërtohet mbi energji 100% të rinovueshme.

Ndalimi i ndryshimeve klimaterike është diçka që mund ta bëjmë bashkë vetëm si një komunitet global dhe duhet të veprojmë së bashku përpara se të jetë tepër vonë.”

Withdrawing from the Paris climate agreement is bad for the environment, bad for the economy, and it puts our children's…

Posted by Mark Zuckerberg on Thursday, 1 June 2017

CEO i Twitter Jack Dorsey

“Kjo është një lëvizje plotësisht e gabuar nga qeveria federale. Ne jetojmë së bashku në këtë planet dhe duhet të punojnë së bashku.”

CEO i Tesla Elon Musk

“Po largohem nga këshillat presidencialë. Ndryshimi klimaterik është një fenomen ekzistent. Largimi nga marrëveshja e Parisit nuk është diçka e mirë për Amerikën e as për botën.”

Lajmet e fundit>