Investim

Zynga lançon platformë lojërash

Mar 2 2012
0 Shpërndarje
Zynga lançon platformë lojërash

Kompania e njohur në botën e lojërave në rrjetet shoqërore, Zynga, do të lançoj platformën e saj për lojëra shoqërore dhe do të hap këtë për zhvilluesit e jashtëm.

Kompania që krijoi “Mafia Wars” dhe “FarmVille” së shpejti do të ketë uebfaqen e saj ku njerëzit mund të regjistrohen dhe të luajnë lojëra me miqtë e tyre. Sot lojërat e Zynga-s kryesisht luhen në Facebook, Yahoo dhe disa uebfaqe tjera, si edhe në celularë të mençur.

Në një ndryshim të madh për kompaninë, Zynga gjithashtu do të lejoj palët e treta të zhvillojnë lojëra që mund të operojnë në platformën e tyre. Në listën fillestare të partnerëve të Zynga-s janë MobScience, Row Sham Bow dhe kompania kanadeze Sava Transmedia.

Sidoqoftë, Zynga nuk po largohet nga Facebook, por do të jetë plotësisht e integruar me Facebook, duke i lejuar njerëzit të fillojnë një lojë në uebfaqen e tyre dhe ta vazhdojnë në Facebook.

Edhe pse nuk do të largohet nga Facebook, kjo lëvizje pritet ti jap pavarësi më të madhe nga Facebook, vendi ku u bënë të popullarizuara lojërat e kësaj kompanie.

Dhe ndryshe nga lojtarët në Facebook, lojtarët në uebfaqen e ardhshme të Zynga-s do të jenë në gjendje të bisedojnë me miqtë dhe të bëjnë kërkesa të lidhura me lojë pa pasur nevojë të largohen nga ekrani i lojës së tyre.

Planet për uebfaqen e saj, Zynga i publikoi në tetor të vitit të kaluar me emrin kodues, Project Z. Versioni i përmirësuar do të shfaqet në zynga.com.

Se sa e varur është i varur Facebook nga Zynga, tregon fakti që 12% e vlerës së aksioneve të Facebook vlerësoheshin të vinin nga lojërat e Zynga-s. Pas këtij njoftimi të kompanisë, edhe aksionet e Zynga-s kanë arritur në shifrat më të larta që nga paraqitja në bursë.

Lajmet e fundit>