Business & Management

Plus Communication i shpall luftë tregut të çrregulluar të telekomunikacionit

Sep 17 2016
0 Shpërndarje
Plus Communication i shpall luftë tregut të çrregulluar të telekomunikacionit

51147323Plus Communication, operatori i vetëm me kapital shqiptar, prej vitesh vuan në tregun Shqiptar të telekomunikacionit në pamundësi për të konkurruar me operatorët e konsoliduar prej vitesh si Vodafone dhe Telekom.

Themeluar si kompani në 2009-tën, Plus filloi ofrimin e shërbimeve të telefonisë së lëvizshme vetëm në 2010-tën falë një investim prej 90 milion Eurosh. Atë kohë autoriteti rregullator i sektorit të telekomunikacionit, AKEP, vinte theksin tek nevoja e një operatori të ri për të rritur konkurrencën dhe si rezultat ulur koston e shërbimeve mobile.

Dhe pas 6 vitesh aktivitet, Plus vijon të jetë operatori i katërt për nga numri i abonentëve sipas raportit më të fundit të AKEP. Drejtuesit e lartë të kompanisë për vite me radhë shprehnin nevojën e mbështetjes nga institucionet shtetërore për të konkurruar më mirë me kompanitë e fuqishme, një mbështetje e cila nuk erdhi asnjëherë.

Pasi Vodafone fitoi liçensën e parë 3G në 2010-tën për 31 milion Euro dhe Telekom Albania(AMC) konfirmoi pozitat si operatori i dytë më i madh në 2011-tën me liçensën e dytë 3G për 15.1 milion Euro, Plus vendosi tu drejtohej organeve kompetente shtetërore për të akoduar liçensën 3G falas një kompanie e cila nuk kishte buxhetin e dy operatorëve më të mëdhenj në vend.

Përgjigjet e vazhdueshme negative të AKEP dhe indiferenca e këtij institucioni bënë që Plus të fitonte liçensën 3G vetëm në Shtator të 2014-tës, 4 vite pas Vodafone. Si rezultat i vështirësive financiare ofrimi i shërbimeve të para 3G filloi në shkallë të gjërë vetëm në 2016-