Harduer

Pesë arsye pse Microsoft akoma mund të fitoj luftën e Tabletave

Jun 2 2011
0 Shpërndarje
Pesë arsye pse Microsoft akoma mund të fitoj luftën e Tabletave

altMicrosofti ka bërë me dije që versioni i ri i Windows do të punoj në arkitekturën ARM, dhe ka demonstruar funksionet e para të Windows 8, apo si do që do të quhet sistemi i ardhshëm operativ në tabletë edhe në CES 2011 edhe në MIX ’11. Përderisa Microsoft ka bërë një kthesë të madhe duke moskonfirmuar komentet e Steve Ballmer për lançimin e Windows 8 në vitin 2012, ne e dimë që ai do të vijë dikur, dhe kur të vij shumë shpejt do të dominoj tregun e tabletave.

Pse? Epo këtu i keni pesë arsye se Microsoft mund të vij nga mbrapa dhe të fitoj luftën e tabletave.

 

1.       Përvoja me uniformë. Microsoft Windows ka një dominim në treg me afër 90% të sistemeve operative për desktop. Përderisa tableta është një ambient më ndryshe se desktopi, përdoruesit do të vlerësonin një tabletë që do të dukej dhe do të ndjehej e përshtatshme me formatet që ata tashmë janë mësuar me desktop.

 

2.       Biblioteka e softuerit. Intel informoi investitorët që versioni ARM ose Windows, s’do të jenë në gjendje të operojnë me softuer trashëgimtarë të tyre, kështu që kjo mund të reduktoj në masë të madhe softuerin në dispozicion për tabletat Windows. Por, Microsoft deklaroi që Intel ishte jashtë linjës në spekulime, dhe ata tashmë kanë demonstruar të dy softuerët, edhe Microsoft Office edhe Internet Explorer, në tabletat e bazuara në ARM.

Edhe nëse Intel-i ka të drejtë dhe duket shumë e mundshme që të jetë ashtu, Microsoft akoma mund tu ofroj zhvilluesve mjetet e nevojshme që të thjeshtësojnë kalimin nga x86 në ARM. Sa më shumë përdorues që mund të përdorin softuerin e njëjtë që tashmë e përdorin në desktop-ët e tyre, aq më e suksesshme do të jetë edhe tableta e tyre.

 

3.       Shumëllojshmëri hardueri. Apple dominon në tregun e tabletave për momentin, por me Apple ju keni vetëm iPad 2. Pranoj, ka një llojllojshmëri modelesh, por në përgjithësi iPad 2 është iPad 2. Tableta Microsoft Windows sipas të gjitha gjasave do të vazhdoj në hapat e tabletave Android me shumëllojshmëri formash dhe madhësish për të zgjedhur. Kjo shumëllojshmëri i jep përdoruesit më shumë alternativa për të zgjedhur formën e tabletës dhe specifikat e harduerit që punojnë më së miri për ata se sa që të përdorin vetëm metodën një-formë-u-përshtatet-të-gjithave.

 

4.       Çmimi?Ndoshta keni vërejtur pikëpyetjen. Në anën tjetër, shumë tregtarë që prodhojnë tableta do të bëjnë një konkurrencë çmimesh, në të dyja anët edhe në industrinë e përgjithshme të tabletave, edhe në mesin e tabletave të Windows. Liria e përdorimit të specifikave të ndryshme për harduer do të mundësoj shkurtimin e disa kostove. Por, ashtu si qëndrojnë gjërat tani, Apple duket se ka përmbyllur tregun në shumë komponentë kryesore në tableta, duke e vështirësuar mundësinë që tregtarët e tjerë të blejnë harduerin e nevojshëm për t’i bërë tabletat e tyre në volum të mjaftueshëm ashtu që të ulin çmimin. Pra, çmimi është një fushë e hirtë që mund të jetë e vështirë të parashikohet.

 

5.       Pa nguti.Po, e kuptoj që Microsoft nuk është i ri në fushën e tabletave. Microsoft ka prodhuar forma të PC-ve si tableta për një dekadë me pak sukses. Por, për kohën e “gjeneratës së iPad-ëve”, Microsoft po qëndron anash deri më tani. Strategjia e Microsoft duket të jetë fokusuar në gjetjen e një formë të duhur, se sa në vrapimin e tregut.

Nëse shikoni në rivalët e iPad-ëve, duket që ngutja e tabletave të pakompletuara, ose të papërfunduara në treg mund të ketë rezultate të dyshimta. Motorola Xoom dhe BlackBerry PlayBook të dy vlerësoheshin si konkurrentë potencial të iPad, por që të dy dolën në rrugë me mungesë të elementëve kryesorë, dhe duke lënë përdoruesit të dëshirojnë më shumë, që rezultoi në shitje zhgënjyese.

Nëse Microsoft ia arrin të gjej formën e duhur, dhe të sjellën përvojën e Windows me të cilën tashmë jemi mësuar, por në një mënyrë unike të përshtatshme me tabletat mobile, dhe mund ta ofroj këtë me një çmim që mund të konkurrojë kokë me kokë me iPad, Microsoft mund të vij nga askund dhe ndoshta të dominojë tregun e tabletave ashtu siç dominon atë të desktopëve.

 

Sigurisht, unë akoma mendoj që tableta nuk është PC, dhe që është gabim të provosh të vendosësh Windows desktop në një tabletë mobile. Në opinionin tim, Microsoft duhet të zhvilloj një version tablete të platformës Windows Phone 7, sepse Windows Phone 7 ka qenë e dizajnuar nga themelet që të jetë një Sistem Operativ mobil.

Lajmet e fundit>