Slider

Lançohet platforma Solaborate, rrjeti i parë social dedikuar profesionistëve të teknologjisë

May 2 2013
0 Shpërndarje
Lançohet platforma Solaborate, rrjeti i parë social dedikuar profesionistëve të teknologjisë

Solaborate Të martën u lançua në versionin beta platforma Solaborate që iu mundëson profesionistëve dhe kompanive të teknologjisë të lidhen, bashkëpunojnë dhe të krijojnë një ekosistem përreth produkteve dhe shërbimeve. Solaborate u lançua sot (e martë) në Los Angeles në Kaliforni, SHBA. Menaxhmenti i Solaborate, njoftoi se deri tani nga investitorë “engjëll” dhe investitorë të tjerë, ka arritur që të mbledhë kapital fillestar në një vlerë prej mbi 1 milion dollarë amerikanë.

Solaborate është një rrjet social që u mundëson profesionistëve dhe kompanive të teknologjisë të lidhen, bashkëpunojnë dhe të krijojnë një ekosistem përreth produkteve dhe shërbimeve.

Lançimi i versionit beta të Solaborate iu ofron profesionistëve të teknologjisë një vend qendror me mjetet dhe shërbimet e duhura për bashkëpunim në kohë reale,mes punëtorëve të një kompanie, por edhe mes punëtorëve të kompanive të jashtme, gjë që i zgjidhë problemet e biznesit.

Profesionistët e teknologjisë tashmë mund të bëjnë pyetje, ndajnë dokumente, prezantime, të komunikojnë përmes Chat-it, të mbajnë video-konferenca, dhe të ofrojnë praktikat më të mira, të gjitha këto mundësohen brenda kësaj platforme.

Solaborate ju mundëson përdoruesve që të komunikojnë në çdo çast mes vete, që të njihen dhe të përcjellin profesionistë dhe kompani të tjera të teknologjisë, produktet dhe shërbimet e tyre. Përdoruesit e Solaborate mund të kenë qasje në njohuri, të kërkojnë dhe aplikojnë për mundësi punësimi, të ofrojnë komente, të shikojnë demo-verzione, dhe shumë gjëra të tjera.

Solaborate3

E ndërtuar në Microsoft Windows Azure cloud computing, HTML5, WebSockets protokolin WebRTC për komunikim në kohë reale, Solaborate është një platformë e lehtë për tu përdorur e bazuar në një interface të bazuar në ueb që poashtu integrohet me kanalet ekzistuese të mediave sociale si LinkedIn, Facebook, Google+ dhe Twitter.

Karakteristikat kyçe të Solaborate përfshijnë:

* Video-chatin një-me-një dhe biseda grupore me klientë, ekspertë dhe përfaqësues të produkteve gjithnjë pa patur nevojë për shkarkim të softuerit ose plug-init të bazuar në WebRTC

* Shikimin, krijimin dhe demonstrimin e versioneve demo të produkteve dhe shërbimeve

* Bashkëngjitjen ose krijimin e grupeve përdoruese, ku përdoruesit mund të ndajnë përmbajte dhe të marrin pjesë në diskutime.

Solaborate2

“Ka shumë vende në internet ku ju mund të ndani informacione ose të rrjetëzoheni me të tjerë, por ju nuk mund të bashkëpunoni në real-time”, thotë Labinot Bytyqi themelues dhe CEO i Solaborate.

Bytyqi poashtu tha se “duke inkorporuar më të mirat nga mediat sociale, si dhe duke i sjellë ato një hap më tej Solaborate e bën më të lehtë ndarjen e informatave të rëndësishme nga platforma qendrore tek pjesëmarrësit, kolegët, shitësit dhe klientët. Ne jemi duke ndërtuar një komunitet rreth produkteve dhe shërbimeve brenda një vendi të dedikuar për profesionistët e teknologjisë”. Për më shumë informacione mund të vizitoni www.solaborate.com ose klikoni për të parë demo-versionin e kësaj platforme. (CIO Albanian)

Lajmet e fundit>