Mobile

iPhone: Sa gjatë ruhen të dhënat tona nga Siri

Apr 22 2013
0 Shpërndarje
iPhone: Sa gjatë ruhen të dhënat tona nga Siri

sir iphon 5Keni menduar se të dhënat që i kërkoni Siri-t në iPhone-in tuaj qëndrojnë vetëm për disa sekonda midis jush dhe kaq? Sipas Wired, Apple i ruan të dhënat që ne i pyesim Siri-t për dy vjet.

Më në fund Apple e ka konfirmuar këtë detaj, i cili është i pari që jep kompania lidhur me këtë temë. Megjithatë, ata janë shprehur se pavarësisht se të dhënat tona ruhen, ato ruhen në mënyrë anonime dhe përdoren vetëm për të përmirësuar Siri-n.

Ja se si funksionon:

Kur i flisni Siri-t, biseda juaj me të i dërgohet Apple për analizë. Gjenerohen numra të rastësishëm për t’ju prezantuar ju dhe të dhënat në formë zanore që lidhen me asistentin virtual.

Ky kod është i ndryshëm si nga Apple user ID ashtu edhe nga UDID-ja juaj. Ai ruhet në lidhje me historikun tuaj në Siri. Kur një skedar i tillë bën gjashtë muaj, i hiqet numri, por ndërkohë klipi ruhet edhe për 18 muaj të tjerë.

Nëse ju e mbyllni Siri-n, të gjithë faktorët identifikues fshihen. Pra, edhe pse gjithçka është anonime, ndoshta disa njerëz që i kushtojnë shumë rëndësi privatësië, do të mendohen dy herë pas kësaj deklarate nga kompania. (CIO Abanian)

Tags >

iphone
Lajmet e fundit>