Internet

Facebook dhe programi i privatësisë për adoleshentët

Apr 18 2013
0 Shpërndarje
Facebook dhe programi i privatësisë për adoleshentët

FacebookFacebook dhe privatësia duken si dy fjalë që nuk kanë lidhje me njëra – tjetrën herë pas here.

Përdoruesit ankohen se parametrat e privatësisë të Facebook-ut janë të vështira për tu kuptuar dhe zbatuar.

Tani Facebook dhe Shoqata Kombëtare e Prokurorëve të Përgjithshëm (NAAG) kërkojnë të ndryshojnë këtë problem nëpërmjet një programi edukimi të konsumatorëve.

Si Facebook dhe NAAG po bashkëpunojnë në një program i ndërtuar për t’iu ofruar adoleshentëve dhe prindërve të tyre mjete dhe udhëzime si të menaxhojnë shikueshmërinë dhe privatësinë e tyre në Facebook dhe online.

Presidenti i shoqatës filloi një fushatë gjatë samitit të mbajtur të hënën të quajtur “Privatësia në Moshën Dixhitale”

“Adoleshentët dhe të rriturit duhet të njohin se ekzistojnë mjete që i ruajnë të dhënat e tyre kur janë në Facebook apo në platforma të tjera dixhitale” tha presidenti.

Ky bashkëpunim do të mbështetet në disa qasje të ndryshme, duke filluar me faqen e NAAG “Siguria dhe Privatësia në Facebook”.

Përdoruesit aty mund të gjejnë informacione bazike se si të përcaktojnë parametrat e tyre të privatësisë dhe ti kontrollojnë ato.

Gjithashtu ekziston edhe një seri videosh të quajtura “Pyesni grupin e sigurisë “, ku përdoruesit mund të gjejnë përgjigjet mbi pyetjet e tyre të ngritura rreth privatësisë.

“Në Facebook, ne punojmë shumë për tu siguruar që njerëzit e kuptojnë kontrollin mbi informacionet e tyre dhe ruajtjen e tyre të sigurt online”, tha Sheryl Sandberg në një deklaratë.

Edhe pse përdorimi i Facebook nga adoleshentët duket në rënie për shkak të lëvizjeve të tyre drejt Instagram dhe Snapchat është e rëndësishme që Facebook ti ofrojë këto mjete edukative. (CIO Albanian)

Lajmet e fundit>