Siguri

Dropbox i pasigurtë për katër orë

Jun 21 2011
0 Shpërndarje
Dropbox i pasigurtë për katër orë

altShërbimi për ruajtjen e dokumenteve online Dropbox, aksidentalisht ka ç’aktivizuar kërkesën për fjalëkalime duke lënë të pambrojtura dokumentet e 25 milionë përdoruesve të tij. Të hënën për katër orë të gjitha dokumentet në Dropbox ishin në dispozicion të të gjithëve, “por vetëm 1% e atyre llogarive” janë qasur gjatë kësaj periudhe, deklaroi kompania.

Akoma është duke u hetuar nëse ndonjëra nga llogaritë është qasur në mënyrë të padrejtë, ndërsa CTO i Dropbox Arash Ferdowsi shkroi që kompania ka vendosur një kod të ndryshuar i cili ka shkaktuar këtë problem në mekanizmin për autentifikimin e përdoruesve. Katër orë pas futjes së kodit të ri në përdorim, u zbulua problemi dhe Dropbox në ato momente ndali të gjitha qasjet që ishte “më pak se 1% e përdoruesve” duke i detyruar të ri-lidhen në shërbim, por kësaj radhe me fjalëkalim.

Ferdowsi deklaroi që për momentin kompania është duke hetuar për ndonjë keqpërdorim të llogarive, dhe që në të ardhmen do të përdorin masa shtesë sigurie. Gjithashtu nga kompania deklaruan që ata të cilët kanë qenë të kyçur në ato çaste u është kërkuar të ri-kontrollojnë edhe një herë llogaritë e tyre, ndërsa të gjithë të brengosurit mund të kontaktojnë për ndihmë në “[email protected]

Lajmet e fundit>