Internet

Aksionet e Facebook hapen në 38$

May 18 2012
0 Shpërndarje
Aksionet e Facebook hapen në 38$

Të shumëpriturat aksione të kompanisë Facebook do të dalin në bursë të premten në ora 11 në mëngjes sipas kohës lindore amerikane. IPO – oferta fillestare publike do të jetë 38$.

Ky çmim ka lëvizur gjatë javës fillimisht nga 29 deri 34 dollarë dhe më pas nga 34 deri 38 dollarë për një aksion varësisht prej lëvizjeve në bursë. Në fund është caktuar kufiri më i lartë i këtyre lëvizjeve në 38 dollarë.

Facebook do të ofroj 421 milionë aksione për investitorët potencial në bursë, shifër kjo që mund të rezultojë me deri 18.5 miliardë dollarë të inkasuar nga shitjet e aksioneve.

Pasi Facebook është rrjeti më i madh shoqëror që ekziston për momentin, transaksionet e para në bursë mund të shtrojnë rrugën e strategjisë edhe për kompanitë tjera në botën e rrjeteve shoqërore, të cilat varësisht prej suksesit të Facebook ndoshta mund të vendosin të futen në bursë në të ardhmen.

Edhe pse do të nisin të shiten në çmimin prej 38 dollarëve, aksionet e Facebook mund të shtrenjtohen apo lirohen varësisht prej kërkesës për to. Tani e tutje çmimet e aksioneve do të kenë një ndikim jo vetëm në Facebook por edhe tek kompanitë tjerë në këtë industri. /CIO.al/

Tags >

facebook
Lajmet e fundit>